CBT Bazar

మీరు ఇంటర్నెట్ బ్రౌజ్ చేస్తుండగా అకస్మాత్తుగా Generic Host Process for Win32 Services has encountered a problem and needs to close.. అనే మెసేజ్ వచ్చి నెట్ బ్రౌజింగ్ నిలిచిపోవడంతో పాటు కంప్యూటర్ ని రీస్టార్ట్ చేసి రీకనెక్ట్ చెయ్యడానికి ప్రయత్నించినా నెట్ రాకుండా నిలిచిపోతున్నట్లయితే ఈ క్రింద చెప్పబోయే పద్ధతిని అనుసరించండి. సమస్య పరిష్కృతం అవుతుంది.

మొదటి పరిష్కారం:

1. Start>Run కమాండ్ బాక్స్ లో regedit అని టైప్ చేసి Registry Editor అనే ప్రోగ్రామ్ ని ఓపెన్ చేయండి.
2. అందులో ఎడమచేతి వైపు HKEY_LOCAL_MACHINE\System\CurrentControlSet\Services\Browser\Parameters అనే విభాగంలోకి వెళ్లి కుడిచేతి వైపున IsDomainMaster అని కన్పించే string ఎంట్రీని డబుల్ క్లిక్ చేసి FALSE అని సెట్ చేసి OK కొట్టి రిజిస్ట్రీ ఎడిటర్ ప్రోగ్రామ్ క్లోజ్ చేయండి.
3. ఇప్పుడు మీ కంప్యూటర్ రీస్టార్ట్ చేస్తే ఇప్పటివరకూ మీరు ఎదుర్కొన్న సమస్య తొలగిపోతుంది.

రెండవ పరిష్కారం:

పై తతంగం చెయ్యడం మీకు సులభంగా అన్పించకపోతే నెట్ బాగా పనిచేస్తున్న వేరే కంప్యూటర్ ద్వారా ఈ క్రింది లింకులోని ఒక ప్యాచ్ ని డౌన్ లోడ్ చేసుకుని మీ కంప్యూటర్లో రన్ చేయండి. సమస్య సాల్వ్ అవుతుంది.

డౌన్ లోడ్ లింకు: ఇక్కడ క్లిక్ చేయండి.

Source: Computerera

ఇంటర్నెట్ బ్రౌజ్ చేస్తుండగా “Your system is infected.. Clean your system with our powerful antivirus” వంటి నకిలీ వార్నింగ్ మెసేజ్ లు చాలామంది గమనించే ఉంటారు. ముఖ్యంగా అనధికారిక సమాచారం ఉన్న సైట్లలో ఇవి ఎక్కువగా కన్పిస్తుంటాయి. ఇలాంటి నకిలీ వార్నింగ్ మెసేజ్ లను నమ్మి ఆ adలపై క్లిక్ చేశారంటే చేజేతులా malware ప్రోగ్రాములను మన సిస్టమ్ లోకి ఆహ్వానించినట్లే. వాటి పట్ల అప్రమత్తంగా ఉండండి. ఇదిలా ఉంటే..

ఇటీవలి కాలంలో Anti-Virus – 1 అనే నకిలీ ఏంటీవైరస్ ప్రోగ్రామ్ ఒకటి నెట్ లో చలామణి అవుతోంది. ఈ ప్రోగ్రామ్ బాగా పనిచేస్తుందని భ్రమపడి పొరబాటున దీన్ని మన కంప్యూటర్లో ఇన్ స్టాల్ చేశామంటే మోసపోయినట్లే. ఇది నకిలీ ఏంటీవైరస్ ప్రోగ్రామ్ అవడమే కాదు.. మనం కంప్యూటర్లోని Hosts ఫైల్ లో ఈ క్రింది ఎంట్రీలను జతచేస్తుంది.

O1 – Hosts: 217.20.175.74 www.review.2009softwarereviews.com
O1 – Hosts: 217.20.175.74 review.2009softwarereviews.com
O1 – Hosts: 217.20.175.74 a1.review.zdnet.com
O1 – Hosts: 217.20.175.74 www.d1.reviews.cnet.com
O1 – Hosts: 217.20.175.74 www.reviews.toptenreviews.com
O1 – Hosts: 217.20.175.74 reviews.toptenreviews.com
O1 – Hosts: 217.20.175.74 www.reviews.download.com
O1 – Hosts: 217.20.175.74 reviews.download.com
O1 – Hosts: 217.20.175.74 www.reviews.pcadvisor.c.uk
O1 – Hosts: 217.20.175.74 reviews.pcadvisor.co.uk
O1 – Hosts: 217.20.175.74 www.reviews.pcmag.com
O1 – Hosts: 217.20.175.74 reviews.pcmag.com
O1 – Hosts: 217.20.175.74 www.reviews.pcpro.co.uk
O1 – Hosts: 217.20.175.74 reviews.pcpro.co.uk
O1 – Hosts: 217.20.175.74 www.reviews.reevoo.com
O1 – Hosts: 217.20.175.74 reviews.reevoo.com
O1 – Hosts: 217.20.175.74 www.reviews.riverstreams.co.uk
O1 – Hosts: 217.20.175.74 reviews.riverstreams.co.uk
O1 – Hosts: 217.20.175.74 www.reviews.techradar.com
O1 – Hosts: 217.20.175.74 reviews.techradar.com

ఈ ఎంట్రీలను జతచేయడం ద్వారా మనం cnet.com, download.com వంటి అనేక ప్రముఖ సాఫ్ట్ వేర్ రివ్యూ సైట్లని ఓపెన్ చేసినప్పుడు ఆయా సైట్ల హోమ్ పేజీ ఓపెన్ అవకుండా 217.20.175.74 అనే IP అడ్రస్ కలిగిన సర్వర్ లోని Fake రివ్యూ పేజీలు మన కంప్యూటర్ స్ర్కీన్ పై చూపించబడతాయి. ఇవి Anti-Virus – 1 ప్రోగ్రామ్ అత్యంత శక్తివంతమైనదిగా రివ్యూ రాయబడి ఉంటాయి. దాంతో మనం నిజంగా అది శక్తివంతమైనదని నమ్ముతాం.

ఈ నకిలీ ఏంటీవైరస్ ప్రోగ్రామ్ తన గురించి నకిలీ రివ్యూలు చూపించడమే కాకుండా.. మన కంప్యూటర్లో చీటికీ మాటికీ తప్పుడు సెక్యూరిటీ అలర్ట్ లు చూపిస్తూ, స్ర్కీన్ సేవర్ రూపంలో కంప్యూటర్ బ్లూస్ర్కీన్ గా మారి, రీస్టార్ట్ అయినట్లు భ్రమింపజేస్తూ మనల్ని భయపెడుతుంది. నిజంగా ఏదో వైరస్ మన సిస్టమ్ కి ఇన్ ఫెక్ట్ అయిందన్న భ్రాంతిని కలిగించి, ఆ వైరస్ ని తొలగించాలంటే కొంత మొత్తం వెచ్చించి ఈ Anti-Virus -1 అనే నకిలీ ప్రోగ్రామ్ ని ఆన్ లైన్ లో కొనుగోలు చెయ్యమని మనల్ని తప్పుదారి పట్టిస్తుంది. కాబట్టి ఈ ప్రోగ్రామ్ ని నమ్మకండి.

Source: computerera